
တိုက်ပွဲ · စစ်ကိုင်းတိုင်း
စစ်ကိုင်းအနောက်ခြမ်းတွင် စစ်ကောင်စီတပ် စစ်ကြောင်းထိုးနေပြီး ကျေးရွာများ မီးရှို့ခံရ
1 နိုဝင်ဘာ 2026 10:44 မြန်မာစံတော်ချိန်
အကျဉ်းချုပ်
အတည်ပြုပြီး
သီးခြားလွတ်လပ်သော သတင်းဌာန နှစ်ခုနှင့်အထက် ဖော်ပြထားသည်
သတင်းဌာန နှစ်ခုနှင့်အထက် ဖော်ပြထားသည့် အချက်အလက် မရှိသေးပါ။
သတင်းဌာန တစ်ခုတည်းက ဖော်ပြထားသည်
အခြား သတင်းဌာနက မဖော်ပြသေးပါ။ မှားသည်ဟု မဆိုလိုပါ။
စစ်ကိုင်းမြို့နယ်အနောက်ခြမ်းကို စစ်ကောင်စီတပ်က စစ်ကြောင်းဆက်လက်ထိုးနေပြီး ကျေးရွာအချို့ မီးရှို့ခံနေရသည်ဟု ဒေသခံများက ပြောကြားသည်။
စစ်ကိုင်းမြို့နယ် အနောက်ခြမ်း၊ အုန်းတောအခြေစိုက် တပ်မှ ဒုတိယစစ်ဆင်ရေးကွပ်ကဲရေးမှူးကို တော်လှန်ရေးအဖွဲ့က ဖမ်းဆီးရမိခဲ့ပြီးနောက် ရဲဘော်၏သေနတ်ကို လုယူကာ ခုခံထွက်ပြေးရန် ပြုလုပ်သဖြင့် ပစ်ခတ်ခဲ့ရသည်ဟု ပြောက်ကျားတပ်ဖွဲ့ တာဝန်ရှိသူက ဆိုသည်။
စစ်ကောင်စီတပ် စစ်ကြောင်းသည် ဇီးချောင်းရွာမှတဆင့် နေပူကုန်းရွာ၊ ညောင်ကုန်းကျေးရွာနှင့် ကံတက်ကျွန်းကျေးရွာတို့သို့ ဝင်ရောက်ကာ နေအိမ်များကို မီးရှို့ဖျက်ဆီးခဲ့ပြီး ရွှေဘုံသာဘုန်းကြီးကျောင်းရှိ နေအိမ်အချို့ကိုလည်း ထပ်မံမီးရှို့ကာ ကြွယ်လူးရွာ ဘုန်းကြီးကျောင်းအတွင်းသို့ ဝင်ရောက်တပ်စွဲထားသည်ဟု မြေပြင်ကင်းထောက်အဖွဲ့က ဆိုသည်။
စစ်ကိုင်းမြို့နယ် အနောက်ခြမ်းတွင် ရဟတ်ယာဉ်ဖြင့် လေကြောင်းတိုက်ခိုက်မှုများ ပြုလုပ်ခဲ့ရာ စေတီပုထိုးများနှင့် နေအိမ်အချို့ ထိခိုက်ပျက်စီးပြီး တိရစ္ဆာန်များ သေဆုံးခဲ့ကာ ရွှေလှေကျေးရွာတွင်လည်း နေအိမ်များ ပျက်စီးခဲ့သည်ဟု ဒေသခံများက ပြောကြားသည်။
ဇီးချောင်းကျေးရွာ ဘုန်းကြီးကျောင်းအတွင်း အခြေချခဲ့သည့် စစ်ကောင်စီတပ်စစ်ကြောင်းတွင် တပ်မ (၃၃) မှ အင်အားများ ဖြည့်တင်းထားသဖြင့် စုစုပေါင်း အင်အား ၆၀ ကျော်ဖြင့် လှုပ်ရှားနေသည်ဟု မြေပြင်ကင်းထောက်အဖွဲ့က ပြောကြားသည်။
စစ်ကိုင်းမြို့နယ် အနောက်ခြမ်းတွင် စစ်ကောင်စီတပ်၏ ဒုဗိုလ်မှူးကြီးတစ်ဦး ဖမ်းဆီးခံရပြီးနောက် ကျေးရွာများကို စစ်ကြောင်းထိုးနေခြင်းဖြစ်သည်။
အထက်ပါ အချက်များ၏ ရင်းမြစ် —LuduNwayOo (People’s Spring)
သတင်းရင်းမြစ်များ
အချိန်အလိုက် စီထားသည်။ ခေါင်းစဉ်များမှာ သတင်းဌာန၏ မူရင်းခေါင်းစဉ်များ ဖြစ်သည်။
- LuduNwayOo (People’s Spring)ပြည်ပအခြေစိုက်1 နိုဝင်ဘာ 2026 10:44စစ်ကိုင်းအနောက်ခြမ်း စစ်တပ်စစ်ကြောင်းဆက်ထိုးနေပြီး ကျေးရွာအချို့ မီးရှို့ခံရ
ပြောင်းလဲမှုမှတ်တမ်း
- 1 နိုဝင်ဘာ 2026 12:54Story published.
