Dipa News
22 နိုဝင်ဘာ 2026 · မြန်မာစံတော်ချိန်

သဘာဝဘေး · ဧရာဝတီတိုင်း

အားကောင်းသောမုန်တိုင်းငယ် ကုန်းတွင်းမုန်တိုင်းငယ်အဖြစ် အားလျော့ပြီး ဖြူးမြို့တောင်ဘက်သို့ ဖြတ်ကျော်

29 စက်တင်ဘာ 2026 08:07 မြန်မာစံတော်ချိန်

သတင်းဌာန တစ်ခုတည်းက ဖော်ပြထားသည်
သီးခြားရင်းမြစ် 1

ပထမဆုံး သီးခြားဖော်ပြသူ 1 ခု

အကျဉ်းချုပ်

အတည်ပြုပြီး

သီးခြားလွတ်လပ်သော သတင်းဌာန နှစ်ခုနှင့်အထက် ဖော်ပြထားသည်

သတင်းဌာန နှစ်ခုနှင့်အထက် ဖော်ပြထားသည့် အချက်အလက် မရှိသေးပါ။

သတင်းဌာန တစ်ခုတည်းက ဖော်ပြထားသည်

အခြား သတင်းဌာနက မဖော်ပြသေးပါ။ မှားသည်ဟု မဆိုလိုပါ။

ကုန်းတွင်းမုန်တိုင်းငယ်သည် ဖြူးမြို့၏ တောင်-အရှေ့တောင်ဘက် မိုင် ၃၀ ခန့်၊ တောင်ငူမြို့၏ တောင်-အရှေ့တောင်ဘက် မိုင် ၆၀ ခန့်နှင့် နေပြည်တော်၏ တောင်-အရှေ့တောင်ဘက် မိုင် ၁၂၀ ခန့်အကွာတွင် ဗဟိုပြုနေပြီး အညိုရောင်အဆင့် သတ်မှတ်ထားကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာနက ထုတ်ပြန်သည်။

မုန်တိုင်း၏ ဗဟိုချက်လေဖိအားမှာ ၁၀၀၂ ဟက်တိုပါစကယ်နှင့် အမြင့်ဆုံးလေတိုက်နှုန်းမှာ တစ်နာရီလျှင် ၃၅ မိုင်ခန့် ရှိနေသည်။

မော်လမြိုင်တွင် ကြီးကြီးမားမား ထိခိုက်ပျက်စီးမှုနှင့် သေဆုံးထိခိုက်မှု မရှိကြောင်း မွန်ပြည်နယ် မီးသတ်ဦးစီးဌာနက ပြောဆိုသည်။

ကုန်းတွင်းမုန်တိုင်းငယ်သည် နောက်ထပ် ၃၆ နာရီအတွင်း မြောက်-အနောက်မြောက်ဘက်သို့ ဆက်လက်ရွေ့လျားနိုင်ပြီး ပဲခူးတိုင်းဒေသကြီး၊ နေပြည်တော်၊ မန္တလေးတိုင်းဒေသကြီး၊ မကွေးတိုင်းဒေသကြီးနှင့် စစ်ကိုင်းတိုင်းဒေသကြီးအောက်ပိုင်းတို့ကို ဆက်လက်ဖြတ်ကျော်နိုင်ကြောင်း မိုးလေဝသဌာနက ခန့်မှန်းထားသည်။

မုန်တိုင်း၏အရှိန်ကြောင့် ဒေသအချို့တွင် နေရာစိပ်စိပ်မှ နေရာအနှံ့ မိုးထစ်ချုန်းရွာပြီး ဒေသအလိုက်နှင့် နေရာကွက်၍ မိုးကြီးနိုင်ကြောင်း မိုးလေဝသဌာနက ထုတ်ပြန်သည်။

မော်လမြိုင်မြို့ ကမ်းနားလမ်းရှိ Floating Bar ဘောတံတား ပျက်ထွက်သွားပြီး မြစ်ရေများ ကမ်းနားလမ်းပေါ်အထိ လျှံတက်လာခဲ့သည်။

မွန်ပြည်နယ် မော်လမြိုင်မြို့နှင့် ကျိုက်ထိုမြို့တို့တွင် မိုးသည်းထန်စွာရွာသွန်းပြီး လေပြင်းများ တိုက်ခတ်မှုကြောင့် သစ်ပင်ကြီးများလဲကျခြင်း၊ လမ်းများပိတ်ဆို့ခြင်း၊ နေအိမ်များပေါ်သို့ သစ်ပင်များပိကျခြင်း၊ လျှပ်စစ်ဓာတ်ကြိုးများ ပြတ်တောက်ခြင်းနှင့် ဘုရားစေတီတချို့ ထီးတော်လဲကျပျက်စီးခြင်းများ ဖြစ်ပေါ်ခဲ့သည်။

ကျိုက်ထိုမြို့အနီးမှ ဖြတ်ကျော်ခဲ့သည့် အားကောင်းသောမုန်တိုင်းငယ်သည် မြောက်-အနောက်မြောက်ဘက်သို့ ဆက်လက်ရွေ့လျားခဲ့ပြီး ကုန်းတွင်းမုန်တိုင်းငယ်အဖြစ် အားလျော့သွားကာ ဖြူးမြို့တောင်ဘက်အနီးမှ ဆက်လက်ဖြတ်ကျော်နေကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာနက ထုတ်ပြန်သည်။

မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် တစ်ခါတစ်ရံ မိုးသက်လေပြင်းများ ကျရောက်ပြီး ရေပြင်နှင့် မြေပြင်လေသည် တစ်နာရီလျှင် မိုင် ၃၀ အထိ တိုက်ခတ်နိုင်ကာ လှိုင်းအမြင့်မှာ ၉ ပေမှ ၁၁ ပေအထိ ရှိနိုင်ကြောင်း ဖော်ပြထားသည်။

အထက်ပါ အချက်များ၏ ရင်းမြစ် —ခေတ်သစ်မီဒီယာ

သတင်းရင်းမြစ်များ

အချိန်အလိုက် စီထားသည်။ ခေါင်းစဉ်များမှာ သတင်းဌာန၏ မူရင်းခေါင်းစဉ်များ ဖြစ်သည်။

ပြောင်းလဲမှုမှတ်တမ်း

  • 29 စက်တင်ဘာ 2026 14:22Story published.

Share

အမှား သတင်းပို့ရန်

အီးမေးလ် မဖြည့်ပါက သင်နှင့် ပတ်သက်သည့် အချက်အလက် တစ်စုံတစ်ရာ မသိမ်းဆည်းပါ။

နေ့စဉ်သတင်းလွှာ

မနေ့က မြန်မာသတင်းများကို နံနက် 07:00 (Yangon အချိန်) တွင် သင့်အီးမေးလ်ထဲ ပို့ပေးပါမည်။

အခမဲ့ ဖြစ်ပါသည်။ အကောင့် မလိုအပ်ပါ။

မနေ့က အီးမေးလ်တွင် ပါဝင်ခဲ့သည်

  • မြန်မာနိုင်ငံအပေါ် ICJ ၏ စီရင်ချက် ထွက်ပေါ်လာမည်
  • မြန်မာနိုင်ငံအပေါ် ICJ ၏ လူမျိုးသုဉ်းသတ်ဖြတ်မှု စီရင်ချက်နှင့် အစ္စရေးအပေါ် သက်ရောက်နိုင်ခြေ

နေ့စဉ် တစ်ကြိမ် ပို့ပါမည်။ သင့်အီးမေးလ်၊ အချိန်ဇုန်၊ စာရင်းသွင်းသည့်ရက်နှင့် အတည်ပြုသည့်ရက်ကိုသာ သိမ်းဆည်းပါသည်။ အတည်မပြုပါက 48 နာရီအကြာတွင် ဖျက်ပါသည်။